Fonte dos Bailós
Fotografía de Miguel Rodríguez Bouza baixo unha licencia de Creative Commons Reconocimiento-CompartirIgual 4.0 Internacional
Situada no Baño, no camiño dos Bailós, ten unhas dimensións de 1,42m. alto e 1,20m. de ancho. Dende o exterior, cuberto de maleza, e baixando 4 chanzos chegamos a un recinto rectangular anegado e cuberto de plantas acuáticas.
A auga que baixa a esta fonte ven dende un depósito situado a 30m.; na actualidade está cheo de lodo e completamente obturado, polo que o único cano que ten a fonte apenas bota auga.
Sabemos polos vellos do lugar que antigamente no “Pazo do Baño” tamén coñecido como “Pazo das Condesas”, os condes organizaban festas e bailes; os veciños/as dos lugares próximos bailaban no camiño, polo que comezaron a chamarlle camiño dos bailós, e posteriormente cando se constrúe a fonte, coñeceuse como a “Fonte dos bailós”
Outras fontes na mesma parroquia
- Fonte do Loureiro
- Localizada na Avenida do Mar (O Peirao). Construída con bloques de granito rectangulares, bota auga por dous ca
- Fonte dos catro canos
- Situada no casco urbano, no Cano da Rúa. Obviamente o nome de ”Fonte dos 4 canos” débese ós 4 canos que ten a fonte e
- Fonte do Cuco
- No lugar das Viñas (O Baño), e a carón do lavadoiro está a “Fonte do Cuco”. Ata a segunda metade do século XX esta fonte
- Fonte do Esteiro
- Na enseada do Esteiro e como foi habitual na fisonomía do derradeiro século no noso Concello, fonte e lavadoiro van col